Жаңалықтар

Бақытжан-қазақтың Дунаевскийі

Р.Абдуллин

Қазақ музыкасының іргетасын қаласқан аға буын композиторлардың бірі - Б.Байқадамовтың туғанына -100 жыл толуына орай Амангелді ауданында ауқымды іс-шаралар аясында орталық кітапхана «Ән-ғұмыр. Б.Байқадамовтың туғанына -100 жыл» атты суретті-кітап көрмесін ұйымдастырды. Көрмеге хор капелласының негізін қалаушы-Б.Байқадамовтың өмірі мен шығармашылығы жайлы фотошежірелер, кітапхана қорындағы кітап және мерзімді басылым беттеріндегі әр жылдарда жарияланған мақалалар қойылып, келген қонақтарға таныстырылды.

Рухани келісім күніне орай Амангелді аудандық орталық кітапхананың оқу залында «Иманды болу- парызың» атты дөңгелек үстел өткізілді. Дөңгелек үстелге Қостанай қаласы мешітінің жамағаты мен мұғалімдер,оқушылар қатысты.

Кітапхана – рухани орда, кітап – рухани қазына. Осы қазынаны оқырмандарға жеткізу үшін кітапханашылар әртүрлі іс-шаралар ұйымдастырады. Осындай іс-шараның бірі орталық кітапхананың библиография бөлімінің ұйымдастыруымен Амангелді орта мектебінде өткізілді.

1 қазан халықаралық қарттар күні мерекесіне орай Үрпек ауылдық округінде «Ауыл қариясымен көрікті» атты мерекелік іс-шара өтті. Ауыл клубында салтанатты жиын өтіп, соңы мерекелік концертке ұласты. Ауыл әкімі Ғ.Т.Жақыбаев ауыл қоғамдық жұмыстарына белсене араласып жүрген қарияларымызды марапаттады. Ауыл кітапханашысы М.Т.Нұржанова ауыл қарияларына арнап фото-көрме әзірледі.
Қарттар күніне шаруа қожалықтарының басшылары демеушілік көрсетті. Мерекелік іс-шарадан соң ауыл орталығындағы «Құлан» тойханасында қарияларымызға қонақасы берілді.

22 қыркүйек - Қазақстан Республикасы халықтарының тілдері күніне орай  Амангелді аудандық кітапхананың оқу залында"Тіл – достықтың алтын көпірі "атты  дөңгелек үстел өткізілді.  Дөңгелек үстелге мұғалімдер мен мемлекеттік мекемелердің басшылары қатысты.
Іс-шараның мақсаты - ұлтшыл емес, ұлттық сана - сезімі мол, Отанын, ана тілін өз анасынан кем сүймейтін азамат пен азаматша тәрбиелеу,
Іс-шарада мемлекеттік тілдің сапалық деңгейі мен үш тұғырлы тіл туралы мәселелер көтерілді.