Жаңалықтар

Әлемде бірнеше ардақты да құрметті мамандықтар бар. Соның бірі – дәрігерлер. Оларды “ақ желеңді абзал жандар, адам жанының арашашысы” деп жатамыз. Қалай атасақ та артықтық етпейді. Дәрігерді  құрметтеу – әр пенденің азаматтық борышы. Ауырсақ, сырқаттансақ бірден осы адамдарға жүгіреміз. Алдына барған бізге мейірім төге қарап, емдеп, ақыл-кеңестерін береді. Күн демей, түн демей қажет кезде жанымыздан табылады. 16 маусым Медицина қызметкерлерінің күніне орай Амангелді аудандық орталық  кітапхананың ұйымдастыруымен  «Дені сау ұрпақ – елдің болашағы» атты кездесу кеші өткізілді. Кешіміздің қонақтары Андирова Гүлнар Сәтеновна, Елікбаева Айшагүл, Аяшовна аурухана акушері, Ерғабылов Жанай» Қызыринович аурухана хиругі және мектеп оқушылары мен кітапхана қызметкерлері қатысты.  Сонымен қатар «Денсаулық – болашақ кепілі» атты кітап көрмесі ұйымдастырылды. Көрменің мақсаты - денсаулық  адам баласының қазынасы, асқан байлығы, өмірінің тірегі екенін түсіндіру; оқушылардың салауатты өмір салты туралы ұғымдарын кеңейту, жаман қылықтардан бойын аулақ ұстауға тәрбиелеу. Кеш барысында  медицина қызметкерлерінің әсерлі әңгімелері көрермендерімізге ерекше серпін берді. Кеште Амангелді ауданның әншісі Қылдыбаев Олжас  қонақтарға ән – шашуын тарту етті. Іс – шара соңында қонақтарға сый – сияпат жасалып, құрмет көрсетілді.

Үрпек ауылдық кітапханасының және клуб меңгерушісінің ұйымдастыруымен  ауыл клубында  1 маусым Балаларды қорғау күніне орай  «Бақытты балалық» атты ертеңгілік өткізілді.

 Үрпек ауылдық округінде 31 мамыр күні ауыл кітапханасында  ашаршылық және саяси куғын-сүргін  құрбандарын еске алу күніне орай «Халық жадындағы қасірет» атты кітап көрмесі жасалды.

Аудандық орталық кітапхананың оқу залында 31 мамыр  Саяси қу­ғын - сүргін құрбандарын еске алу күніне орай «Тарихтан тағылым- өткенге тағзым» атты кітап көрмесі ұйымдастырылды.  Көрмеге Ә. Боранбаев орта мектебінің оқушылары қатысты. Көрменің мақсаты саяси қуғын-сүргін құрбандарын еске алу. Олардың өмір жолдарымен оқырманды тереңірек таныстыру, өткен тарихымыздан тағылым ала отырып, бүгінгі ұрпаққа әр кітап арқылы өнегелі тәрбие беру, оларды Отанын сүюге, елінің , жерінің адал патриоттары болуға баулу, олардың санасына тарихи шындықты жеткізу. Өткенді ескермей болашақты құру мүмкін емес. Сондықтан 1927-1953ж. ақтаңдақтар ақиқатын түсіндіруге ұмтылу. Қазақстанда 1997 жыл­дан бері жыл сайын 31 мамырда ҚР Президентінің Жарлығымен Саяси қуғын-сүргін құрбан­да­рын еске алу күні аталып келеді.  Тәуелсіз Қазақстанның әрбір азаматы үшін cаяси қуғын-сүргін құрбан­да­рын еске алу және есте сақтау қасиетті парыз.

 

Ұлы Жеңістің 70 жылдық мерейтойына 2015 жылы құрастырылған Амангелді ауданының соғыс және еңбек ардагерлерінің «Даңқ кітабы» биылғы жылы Әміржанов Хамит Уадутбекұлының демеушілігімен жарыққа шығарылды.