Жаңалықтар

2сәуір күні Байғабыл ауылдық  кітапханада Кітап күніне орай М.Бөлекова бастап келген даярлық тобының балаларымен «Болашақ оқырман» атты кітапхана саяхаты  өткізілді.Кітапхананың тыныс тіршілігімен,ережелерімен таныстырылып,әр бөлімінің атқаратын қызметіне тоқталып өтті. Саяхаттап келген  бүлдіршіндерге кітап көрмесімен ,өзіміздің туған жерден шыққан ақын ,жазушылар жайлы ,көптеген құнды мәліметтер айтылды.Кітапханаға ертегі ,кітаптар ,журналдар оқуға шақырылды.

 Адамзат баласының қол жеткізген ұлы игіліктерінің бірі – білім қазынасы. Ал білім сипаты алуан түрлі.

1 сәуір – Халықаралық құстар күні. Бұл күн сонау 1906 жылдан, құстарды қорғау туралы Халықаралық конвенция жарияланғаннан бері аталып келеді. Бүкіл дүние жүзінде құстардың 9 мыңдай түрі тіршілік етеді. Біздің еліміз де құстарға өте бай. Қазақстанда құстардың 500-ге жуық түрі бар. Олардың күз айларындағы саны шамамен 18-20 миллионға жетеді. Бұл – үлкен байлық. Сондықтан да біз оларды қорғап, пайдалана білуіміз керек. Құстар орман, жер зиянкестерімен қоректеніп ауыл шаруашылығына пайдасын тигізеді. Ал құстардың эстетикалық мәні өз алдына бір төбе. Талай сазгерлер құстардың үнін әуенге қосса, талай ақындар құстар туралы тамаша жырлар жазған. Құстардың ұшу заңдылығын алғаш рет Леонардо да Винчи зерттеген екен. 1 Сауір –құстар күніне орай Амангелді аудандық орталық балалар кітапханасы «Қанатты досым келдің бе?» атты құстарды қорғау танымды сағат күні өтті. 

Наурыз мерекесіне орай Үрпек ауылдық округінде 22 наурыз күні мерекелік іс шара өтті. Ауыл әкімінің халықты құттықтауынан кейін, бата беріліп наурыз көжеден дәм татылды. Мерекелік концерт ауыл халқына жақсы көңіл күй сыйлады. Мереке спорттық ойындармен және ат спорты ойындарымен жалғасты. Кешке ауыл жастарына би кеші қойылды.

Аудандық орталық кітапхананың оқу залында «Нұр Отан» жасампаздық пен дамудың 20 жылы» атты мерейтойлық кітаптың тұсаукесері өтті. Іс-шара партияның мерейтойына орай ұйымдастырылды. Айтулы еңбекті Жанар Буканованың басшылығымен Саяси менеджмент академиясының шығармашылық ұжымы дайындады. Кітаптың тұсау кесеріне Амангелді аудандық  «Нұр Отан» партиясы филиалының төрағасы,   аудандық мәслихат аппаратының жетекшісі, кітапхана қызметкерлері қатысты.