Биыл мемлекеттік рәміздер күніне 30 жыл! Елін, жерін сүю мен Отанға деген адалдықтың бір белгісі – мемлекеттік рәміздерімізді қадір тұту болып табылады. Жас ұрпақты елжандылық негізінде тәрбиелеуде де мемлекеттік нышандардың алар орны ерекше. Осыған орай  Амантоғай ауылдық кітапханасында «Ту, Елтаңба, Әнұран-тірегіміз, Туған жер деп соғады –жүрегіміз!» атты тақырыптық кеш өткізіліп, «Рәміздер – тәуелсіздік тұмары» атты кітап көрмесі ұйымдастырылды.

Кеш еліміздің әнұранмен ашылды. Іс-шара Отанымыздың ұлттық мақтанышы мемлекеттік рәміздерге арналды. Кешке қатысқан Амантоғай жалпы білім беретін мектебінің 6 сынып оқушылары  Отан туралы мақал-мәтелдер, жыр-шумақтарын  айтып,  «Рәміздер-тәуелсіздік тұмары » атты кітап көрмесін тамашалады.  Көрмеге: С.Трофимованың «Біздің Отанымыз-Қазақстан», «Қазақстан Республикасы мемлекеттік рәміздерінің қалыптасу тарихы», «Менін Отаным-Тәуелсіз Қазақстан» энциклопедиясы, «Сен білесің бе?» балаларға арналған энциклопедиясы қойылды . Кітапханашы оқушыларға Рәміздердің пайда болуы және тарихтағы маңызы жайлы түсіндірді. Олар рәміздер туралы көп мағлұмат алды. 

Мемлекеттік рәміздерді қадірлеу тәуелсіз Қазақстанның әрбір азаматының қасиетті борышы . Мемлекеттік рәміздерді құрметтеу-елді, халықты, тарихты, әдет-ғұрыпты, салт-дәстүрді қастерлеу болып табылады. Қазақстан: Туымен – тұғырлы,

Елтаңбасымен – еңселі

Әнұранымен – айбатты ел!

Қостанай облысы, Амангелді ауданы, Амантоғай ауылдық кітапханашысы Қойжігітова Айнұр Теміржанқызы