Жаңалықтар
«Ел тарихындағы ерен тұлға»
- Подробности
Амангелді аудандық мәдениет уйінде 1 желтоқсан күні қазақ елінің Тұңғыш Президенті Н.Ә.Назарбаевтың құрметіне аудан әкімі бастаған аудан жұртшылығынын мерекелік іс шарасы өтті. Осы іс шара аясында аудандық орталық кітапхана «Ел тарихындағы ерен тұлға» атты кең көлемде ұйымдастырылған суретті шежіре кітап көрмесінің тұсаукесері болды. Көрме бал дәурен балалық шағынан бастап, қазақ еліне сіңірген қызметтік еңбек жолы мен Елбасының жыл сайын шыққан еңбектері, ақын-жазушылардын шығармалары мен жырларын қамтыды. Көрмені мекеме басшылары, мұғалімдер, оқушылар ардагерлер, аудан халқы танысып зор ризашылықтарын білдірді. Кітап көрмесі аудандық кітапхананың оқу залында тұрақты түрде оқырмандарына жалғасын табады.
«Елбасы күні – елдікке құрмет мерекесі»
- Подробности
Тұңғыш Президент күні –бұл тарихи таңдау күні қазақстандықтардың Ұлт көшбасшысы. Тұңғыш Президент Нұрсұлтан Назарбаевтың төңірегіне топтасу күні . Тәуелсіздік пен бостандықтын игі мұраттарының баянды етіп, өркениетті елдерге тән қадамдар жасауда, ел алдындағы саясаткерлік, қайраткерлік, азаматтық және перзенттік парызын адал орындап, әлемдік беделге ие болған. Тәуелсіздігімізді алғаннан соң халықтың басын біріктіріп Н.Ә.Назарбаев тұңғыш елбасы болды. Елбасының бастауымен біздің Отанымыз әлемге танылды. Елім елдігін көрсетті, ерлігін тантты.Аталмыш тақырыпқа орай аудандық орталық балалар кітапханасы «Елбасы күні – елдікке құрмет мерекесі» атты әдеби сазды кеш ұйымдастырылды. Іс-шарамыздың мақсаты: Қазақ халқының тұңғыш президенті Н.Ә.Назарбаевтың өмір жолы, туып өскен, оқып білім алған, қызмет еткен жерлері туралы мағлұмат беру, елбасының өмірі жолынан үлгі ала отырып Отанын, халқын сүюге, ержүректілікке, азаматтыққа, потриоттық сезімін тәрбиелеу мақсатында өткізілді. Сонымен қатар Елбасымызға арналған слайд оқырмандар назарына үсынылып, және «Елбасы әлемі: Тұлға. Саясаткер. Жасампаз» атты кітап көрмесі ұйымдастырылып, оқырмандарға таныстырылып, шолу жасалды. Осы біздің іс-шарамызға ат салысқан Ы.Алтынсарин атындағы орта мектебінің 4 сынып оқушылары және сынып жетекшісі Қалиева Айгерім Мейрамханқызы атсалысты. Оқушылар тақпақтарын нақышына келтіріп, жатқа оқыса, екінші жағынан ән шырқалды. Жиналған оқырмандар ауданымыздың 4 мектептің 3-4 сынып оқушылары, көптеген мағлұматтар алып, жақсы лебіздерін айтып тарасты.
«Абай үні -жадымда жаңғырады» атты байқау
- Подробности
Үрпек ауылдық округінде Жаңа ауыл орта мектебінің тәрбие ісі жөніндегі орынбасары Жұмабек Серік Үмбетұлының ұйымдастырумен «Абай оқуы» байқауы өткізілді. Байқау төрт бөлімнен болды. Абай өлеңдерін мәнерлеп оқу, Абай әндері, Ақындық өнер, байқау барысында өлең шығару. Жеңімпаздар анықталып аудан орталығында өтетін «Абай оқуы» байқауына лайықты деп таныды.
«Дельфийлік ойындар -2017»
- Подробности
Үрпек ауылдық округінде Жаңа ауыл орта мектебінің мұғалімдері психолог маман Атембекова Айнұр және тәлімгер Қорғанбекова Назгүлдің ұйымдастыруымен «Дельфийлік ойындар -2017» атты дәстүрлі өнер сайысы өтті. Бұл іс шараның мақсаты мектеп қабырғасында байқалмай жүрген балаларды тану үшін іс шараға тарту. Сайысқа 5-8 сынып оқушылары қатысты.
Азаттың таңын аңсаған – Алаш арыстары
- Подробности
Елбасының «Болашаққа бағдар: Рухани жаңғыру» мақаласы аясында Аудандық орталық балалар кітапханасының ұйымдастыруымен Алаш қозғалысының 100 жылдық мерейтойына байланысты «Азаттың таңын аңсаған – Алаш арыстары » атты кітап көрмесін ұйымдастырып, оқырмандарға шолу жасалды. Көрме 2 бөлімнен тұрады.
